Vestmannsvatn

Lýsing

Hér getur þú keypt dagsleyfi í Vestmannsvatn.

Staðsetning:
Vestmannsvatn er á mörkum Reykjadals og Aðaldals í Suður-Þingeyjarsýslu.

Leiðarlýsing og fjarlægð frá Reykjavík og næsta bæjarfélagi.
Fjarlægð er um 455 km frá Reykjavík og er staðsett um 26 km suður af Húsavík.  Vatnið liggur við þjóðveg nr. 845.

Upplýsingar um vatnið:
Vatnið er um 2.4 km2 að flatarmáli og um þriggja metra djúpt að meðaltali.  Mesta dýpi er um 10 m.

Veiðisvæðið:
Veiði er heimil í öllu vatninu.  Bannað er að veiða 100 m frá ósnum þar sem Reykjadalsá rennur í vatnið sem og þar sem rennur úr vatninu í Eyvindarlæk.

Gisting:
Mikil ferðaþjónusta er í nágrenninu þar sem hægt er að kaupa tjaldstæði eða aðra gistingu.   Tjaldstæði og veitingar má m.a. finna hjá Dalakofanum, www.dalakofinn.is

Veiði:
Í vatninu er aðallega bleikja og urriði, auk einstakra laxa sem veiðast jafnan á hverju sumri.  Mikið er af fiski í vatninu og veiðimöguleikar mjög góðir fyrir alla fjölskylduna.

Daglegur veiðitími:
Leyfilegt er að veiða frá morgni til kvölds.

Tímabil:
Veiðitímabil hefst 1. apríl og lýkur því 30. september.

Agn:
Leyfilegt agn er fluga, maðkur og spónn.

Besti veiðitíminn:
Frá miðjum júní og fram í miðjan ágúst.

Reglur:
Handhöfum Veiðikortsins ber að skrá sig hjá Dalakofanum (Laugum) og sýna þar nauðsynleg skilríki. Það er stranglega bannað að skilja eftir sig rusl og aka utan vega. Börn yngri en 14 ára veiða frítt í fylgd með korthafa.  Vatnið og umhverfi þess er friðland og er lausaganga hunda bönnuð á svæðinu.